《基本法》二十三條立法諮詢期在平安夜結束，好多人都表達咗意見，不過政府當然擇其親者而聽之，竟然話冇乜人反對，所以呢個星期日（十五日）嘅大遊行，想唔參加都唔得。
八方聽說民主派準備全力以赴，動員一切可調動的力量，向梁愛詩同埋葉劉淑儀顯示真正的民意。而咁大型嘅行動當然唔少得班教師，教協張文光同八方講，已經有好多學校同教師話會響應上街，到時教協會拉起一張大橫額等教師歸隊，以身教話畀下一代知乜嘢係知其不可為而為之。張文光話到時一家三口都會去維園，細佬連同屋企個工人都叫埋去。楊森早前同八方講過都會全家出動，如果個個帶埋啲老婆仔女去遊行，到時就熱鬧了。
傳真︰2623-9278
電郵︰