黎瑞恩與金利來太子爺曾智明拍拖六年，今年終開花結果，定於本月十八日結婚。未來老爺、人大常委曾憲梓前晚出席晚宴時，拍心口承諾拿出七十萬元包起婚禮費用，他更勸誡黎瑞恩婚後要低調，少與傳媒交往。
黎瑞恩與金利來太子爺曾智明九七年開始拍拖，同年即傳出婚訊，但期間多番波折，曾傳她不獲男友父母、人大常委曾憲梓夫婦接受。不過，二人終開花結果，定於本月十八日結婚，明年一月二日在尖沙嘴洲際酒店擺喜宴。
前晚黎瑞恩未來老爺曾憲梓往尖沙嘴出席「程萬琦榮任國際籃球協會會長」晚宴時，心情甚好。談到兒子曾智明的婚宴，曾憲梓與記者說笑：「我冇幫手籌備，我自己結婚都冇人幫手啦，又冇擺酒，兩張床拍埋咪係囉！」
不過其後曾憲梓直認他會出錢包起兒子的婚禮費用，他說：「為求簡單，我乜都唔理，我出錢，佢哋出力，七十萬差唔多夠啦。」
問曾憲梓會否送樓給兒子？他說：「唔使送嘢，佢哋同我哋住，我唔會騷擾佢哋。」
再問曾憲梓是否滿意未來新抱黎瑞恩，他認真地說：「希望佢做到我滿意啦！以前好少見，接觸耐咗都幾滿意，佢好有禮貌，希望佢低調啲，唔好成日喺報紙度見到佢，重有，婚後唔好同新聞界講咁多嘢。」他又表示不急於抱孫。
據知，黎瑞恩為保持低調，八男八女的兄弟姊妹團都以圈外人為主，她近日則忙於試婚紗、發請帖等事宜。
此外，賭王何鴻燊亦有出席晚宴，他表示年輕時愛打籃球，他說：「後生就打籃球，𠵱家就睇波多啲。靚女打氣？邊有咁好彩，正所謂『日本婆彈琴』——咚咚咚，窮到燶。嗰時一蚊都冇，邊有女仔睇我打波！」
採訪、攝影：汪正文