入選港隊　果欄送貨
細榮苦撐捱球市嚴冬

本地球市持續不振，個別職業球員，單靠踢波的收入再難以餬口，就算是曾被譽為香港最有前途左後衞的梁志榮，每天清晨也要在油麻地果欄運貨幫補生計。儘管一星期有六天要九小時體力勞動工作，但「細榮」在球場上的發揮卻未受影響，最近更獲港隊重召。「細榮」的故事，正好說明很多本地球員要如何艱苦地抵禦球圈的寒冬。 圖?文：曾雁平

梁志榮於九八當選為最佳青年球員，同年被南華羅致，滿以為球員生涯勢必平步青雲之際，卻因紀律問題遭會方雪藏；○○年轉會東聯二合，可是該會在○一年球季後宣布退出，「細榮」未能找到甲組會棲身，輾轉流落乙組淦源。

去年冇班落果欄送貨
「細榮」說，當日曾想過投考消防員，可是又不想就這樣放棄球員生涯，其間曾做過家具學徒，而半年前獲朋友介紹到果欄送生果。
他說：「流浪教練李炳雄上季問我有冇興趣踢番甲組，但由於我晨早返工，如果操練上能作出適量遷就，應該冇問題，我就這樣變開始『雙線』發展。每日咁早起身，返完工，唞唞又要練波，初時的確唔習慣，不過，經過適應後問題已經唔大，只係打完夜波，個人好攰，第二朝都要早起身會真係幾辛苦。」

入選港隊感意外又開心
「講真，真係要多謝流浪高層，好似總監李輝立同炳哥（李炳雄）的支持同訓練上作出遷就，有時容許我唔使跟足訓練，而會方完全冇畀球員任何壓力；可能因為咁，所以今季踢得特別開心，每場踢得好放，表現算係我出道以來最好的一季。」細榮說。
對於再次入選港隊，「細榮」坦言既意外又開心，只是現時經濟及球市道不景，實在不會輕易放棄果欄工作，他說：「入選後，好多人都覺得既然有機會應該跟住先，稍後再作打算。（如果下屆再有大球會找？）我諗會考慮，始終一心一意踢波會好的。」

梁志榮日程表
3:15am–起床往油麻地果欄
4:00am–送貨
1:00pm–收工
3:00-4:00pm–澎馬流浪操練（每周4日）
7:00pm 返家吃飯
9:00-10:00pm–上床睡覺

梁志榮小檔案
副業：油麻地果欄送貨
做咗幾耐：半年
工作時間：4:00am-1:00pm
年齡：24歲
身高?體重：1米69?59公斤
位置：左後衞
現效力球會：澎馬流浪
曾效力球會：流浪、南華、二合、淦源（乙組）
個人榮譽：最佳青年球員、港奧運隊、港隊