劉德華前晚舉行了一場個唱，除了重演他歷年個唱的精華場面外，還多次脫掉上衣，展露五嚿鴛鴦腹肌。完騷後，華仔和林建岳及其緋聞女友Selina慶功，林建岳與Selina離去時，Selina為避嫌而單獨坐的士離開。
劉德華前晚在灣仔伊館舉行一場「你是我的驕傲演唱會」，招待三千名歌迷。華仔還得到林建岳支持，斥資三百萬搞製作。華仔父母和三位胞姊均有捧場，歌迷情緒異常高漲，演唱會唱足三小時，華仔要兩度安哥才能圓滿閉幕。
華仔將歷年演唱會的精華，濃縮在前晚的個唱內，除了騎電單車唱歌、在場館半空飛來飛去和站在巨型噴水柱中間獻唱外，華仔亦表演「FunkyJazz」舞蹈。不過最令歌迷興奮的，莫過於華仔每次換新衫上台時，開腔唱了數句，便將上衣除下，露出結實腹肌，故幾乎大半場時間，華仔皆赤裸上身，惹得歌迷接連狂叫。
事後華仔接受記者訪問，問他操練多久才有這麼健碩的身形？他說：「操咗三日左右啦，我本來想喺北京操，但嗰度好凍，搞到我不斷狂食嘢，食到肥晒。我都唔知有幾嚿腹肌喎，有五嚿啩，我鴛鴦㗎嘛。」華仔透露他將於本月二十日到四川辦變臉入學手續。
此外，華仔前晚完成個唱後，於十一時許與林建岳及其緋聞女友Selina到銅鑼灣欣葉吃台灣菜慶功，消夜至十二時左右離開。只見華仔甫步出門口，即被歌迷團團圍住，而Selina趁機截的士走人，相隔兩分鐘左右，林建岳始緩緩離開，實行與Selina分開走。
採訪：胡比
攝影：娛樂突發組、陳偉權