我羅拉話晒都係一個女仔，一直都幾留意啲潮流打扮，近排見到楊千嬅喺新碟化咗嗰眼妝奪目非常，好鬼七彩好鬼yeah，聽講佢用咗成六個鐘頭先化起㗎！不過轉頭原來日本全能女歌手鬼束千尋喺新碟《SugarHigh》嘅造型，又係玩七彩眼，咁就真係唔知邊個抄邊個噃！不過扮靚係女人嘅專利，出嚟嘅效果好咪得囉！ 講開鬼束，佢其實一向都好平實㗎喎，今次佢咁激可能係休息咗半年冇乜新聞，計我大口羅拉話佢今次梗係特登玩吓形象引人注意啦！