正東唱片新人胡彥斌前晚在九龍灣展貿舉行新碟發布會，黃柏高、蘇永康、方力申、鄧健泓、雷頌德和吳國敬等均出席撐場。
問蘇永康對於有報道指楊千嬅及鄭中基拍攝新戲《行運超人》時經常NG、遲到兼失場，拖慢拍攝進度，而康仔客串演出，開工第一天亦遲到，康仔說：「我認我第一日開工係遲到個半鐘，唔好意思。不過雷頌德、鄧健泓都好準時，鄭中基表現非常好，唔係報道中所講，佢好畀心機㗎。」
至於有指千嬅發脾氣不肯開工，康仔說：「我同佢一齊拍嘅時間唔多，唔知喎。」提到康仔老友張衞健被拍得在泰國按摩，露出大肚腩，他說：「佢行得正企得正怕乜喎，佢返到嚟重笑安仔俾人影到相，重話好彩冇人影到佢個大肚腩，點知原來留番下期出。」
採訪、攝影：楊潔雯