我哋一共8隻孤兒仔，有啲係兄弟俾車車死、有啲係前主人移民、更多嘅係過街貓……但命運安排將我哋送到李太──寄養媽咪嘅屋企，有嘢食、有人錫，唔使再擔驚受怕，不過，呢度始終唔係我哋最後歸宿，我哋依然等緊人湊返屋企……
記者：吳佩璇
攝影：陳陶鈞
BB是好心人在奧運站附近馬路撿回來的。那天，馬路對面躺着BB的親生哥哥，哥哥成為輪下亡魂，只有幾星期大的BB很有性般，呆站在馬路的另一邊，不畏人聲、車聲，出神的看着哥哥，不肯離開！直至有心人將牠送到貓隻寄養家庭。
不知是想念哥哥抑或天生命苦，來到李太屋企只兩、三天，忽然間又唔叫、又唔食嘢。李太說：「有晚病得好重，我以為佢唔得。第二朝即刻帶佢睇醫生，重帶埋佢返工，每隔兩個鐘用針筒餵一次奶，最後執番條命。」
本來食慣歎慣的活力媽，生下了活活同力力兩個仔仔之後冇耐，原來的主人要移民，就帶牠們到寄養家庭暫住，待好心人領養。由於兩個仔仔都只得6星期大，BB貓都容易被領養，反之像活力媽這類，已屆2歲成年的貓隻，好多時都會在寄養家庭終老！加上活力媽患有白內障，李太心知可能要養佢一世，但依然希望：「想領養活活同力力嘅話，領養埋活力媽，唔好要佢哋骨肉分離。而且活力媽心地好善良，唔係佢親生嘅，佢都肯做奶媽餵奶。」
原名長毛的貓女，以為成為幸運兒被領養，誰知離開寄養媽咪李太只一天，那領養者就將長毛送返！只一天，長毛跌斷了大臂骨，新主人竟就嫌棄牠！李太惟有自掏腰包，花了4千元替長毛做駁骨手術，還替牠改名「虹虹」，希望生命能從此畫出彩虹。果然，因李太的囡囡心怡捨不得虹虹再被不負責任的人領養，便同李太講：「媽咪，𠵱家由我領養虹虹！」成為李家的永久居民，虹虹已活潑成長，有7個月大喇！
2年前，有貓隻義工團體在李太屋企附近搞了個活動，李太就帶埋囡囡心怡湊熱鬧。當心怡看到一隻天生雙眼盲了7成，只看到光和黑的貓女蜜棗，便主動說要帶牠回家：「佢好慘，因為盲冇人肯要佢！」慢慢，李太一家便與義工團體熟絡起來，便正式開始做寄養義工，試過同一時間有21隻待養貓。其實李太一直養開貓，現有5隻自養貓和8隻寄養貓待有心人領養。
當所屬義務組織收到孤兒貓仔，便會聯絡「寄養媽媽」李太，李太都會盡量收留：「如果係兩、三個月大嘅BB貓，百分百都有人領養。但大貓就好多時要預養佢一世。」義務組織說有領養者時，雙方就安排時間，到李太屋企睇貓。而李太愛貓如命，有空的話更會專誠車埋貓仔到新主人屋企，免得運送途中出事。至於領養者，義工一般會問他們的居住環境、有否養貓經驗、工作時間等，才決定是否讓他做貓隻新主人。領養時只需繳付貓隻的絕育手術費用，因李太與獸醫相熟，優惠價約二、三百元。
查詢：97578411（HKCats）
94319461（香港愛貓救世軍）
開Party
我高竇貓一向好有性格，我行我素，唔多鍾意出嚟應酬，唔似得啲小狗咁，跟出跟入做跟尾狗。不過，我主人話下星期要帶我出去貓展見吓世面，等我識多啲新朋友，佢亦順便可以同啲Friend交流吓心得。所以佢呢排好忙，唔單止帶我去美容院整吓個貓樣，重猛咁搵「貓衫」，但唔係畀我着，而係佢話要做CatGirl，靚絕全場喎！
記者：鄒家鳳
香港貓迷會第六屆冠軍貓展
日期：12月14日（12:00nn至8:00pm）12月15日（10:00am至7:00pm）
地點：香港會議展覽中心1A展覽廳
門票：$25
主辦：香港貓迷會