行政會議成員廖長城，噚日出席亞太法律協會舉辦嘅《基本法》二十三條論壇，不斷硬銷今次立法。點知佢講完重唔夠，台下有位仁兄喺提問時間亦猛咁話支持立法。佢係乜水？原來係廖長城嘅細佬──大律師廖長江。長江話，佢覺得要喺法律同自由取得平衡，好似佢細佬睇戲都試過俾警察查身份證，佢老婆都唔可以帶指甲鉗上飛機咁。嘩！出埋細佬、老婆嚟支持立法？犀利！
八方好奇問廖長城，佢細佬長江所指嘅細佬係邊個？長城就話，佢哋幾兄弟個名都係阿爺改嘅，依次叫長城、長安同長江，但另一個叫乜名就要估嘞。在場有多口記者問：「長洲？」廖生隨即哈哈大笑話：「呢句係你講咋。」
傳真︰2623-9278
電郵︰