有謂生吃蔬果可避免煮食時養份流失，不過，蔬果本身夠唔夠新鮮乾淨都好重要，否則啖着又苦又澀、或帶有農藥的蔬果，便未見其利先見其害。最近食過一種標榜在高原種植的無污染蔬果，感覺就像重拾久違了蔬果的鮮甜味道！再試兩位經常下廚的廣告創作人：Renee和阿魚，以精心設計的簡單食譜炮製這些蔬果後，更發覺這些蔬果雖然配合惹味芝士烹調，仍沒被搶過風頭，保留着應有的甜美！
記者：周麗懿
攝影：陳穎
（左至右）
Andy試食同行Friend：番茄咬落勁多汁，正！
Renee：番茄配希臘芝士簡直冇得頂！
阿魚：茄子雖然又煎又焗，但仍然食到本身嘅甜味。
在馬來西亞海拔高達1,400至2,000米高原種植的「GraceCup高原無污染蔬果系列」，先後在新加坡和馬來西亞應市，現時已在日本超市及百佳超級市場發售。今次抵港的蔬果包括茄子、青瓜、青厘茄、椰菜、玉豆、毛豆、西椒、番茄，以及又大又圓的「桃太郎番茄」。這些蔬果來自空氣清新的高地，配合日本堆肥種植技術──先令土壤肥沃，才撒種子種植，讓植物直接吸收養份。在沒有農藥、化學肥料的情況下，蔬果更加天然美味。
所有「GraceCup」蔬果都是獨立包裝，並附標籤列明建議食法。
Renee十幾歲便開始研究煮食，這個焗茄餅煮法看似複雜，其實相當易整；雖然經過又煎又焗，不過仍不失茄子的鮮甜，配合焦香的芝士，實在叫人難以忍口。
材料：
小茄子 4個
蛋 1隻
麵粉 1/4杯
橄欖油 適量
帕馬森芝士（ParmesanCheese) 1/3杯
番茄香草意大利醬（Tomato&SweetBasilPastaSauce） 1杯
意大利白芝士（MozzarellaCheese） 1杯
試味報告：未食之前以為好油膩，但事實又唔係，秘訣應該係煎完後用廚房紙索得夠，芝士料雖然惹味，但仍然吃得出茄子嘅鮮甜。
個人最愛阿魚弄的這道小食，完全是因為偏愛番茄之故。生吃過這個番茄，以為經過高溫處理後會失色，誰知味道更加Juicy，配合吞拿魚的鹹、芝士的香，不消數分鐘便被掃清光。
材料：
番茄 3個
橄欖油 少許
FetaCheese 75克
胡葱（Chives） 1湯匙
水浸吞拿魚 1罐
番芫荽 1湯匙
羅勒（Basil） 1湯匙
試味報告芝士、吞拿魚混和香草嘅味道，在焗的過程中已香氣撲鼻，番茄加熱後又出晒汁，勁Juicy！