【本報訊】面對可能有大批支持者出席反二十三條大遊行，政府使出「陰招」留難主辦機構，除了局部開放政府總部，限制集會人數外，警方更主動指示運輸署，硬將遊行車輛當「花車」送檢，領取牌照。
負責與警方商討遊行安排的立法會議員李卓人透露，估計今次遊行人數會相當多，因此要求管理政府總部的行政署，開放整個總部空地及停車場用作集會，但行政署以停車場已外判，需向承辦商作出賠償為理由，拒絕要求。李卓人認為當局刻意留難，因支聯會每年也在該處集會。「年年都無話要賠錢，今次係第一次聽到咁樣嘅理由。」
除了集會場地外，請願者的遊行宣傳車也成為針對目標。李卓人指警方一直用不同方法，刁難他們用來運載器材及安裝有「大聲公」方便呼喊口號的貨車。今次警方更直接叫他聯絡運輸署申請豁免：「我搵署長霍文，佢又話唔知，叫我搵助理署長葉文光，我同佢傾完，佢又係話唔知要豁免乜。」
運輸署及後在警方指示下，要求主辦機構為貨車申領花車牌照，否則不准參加遊行。李卓人批評警方曾企圖控告他們超載，敗訴之餘更遭裁判官斥責檢控不當，今次又將貨車當花車。「你可以睇到佢哋可以根據自己意思，想點告就點告，你話第日二十三條立咗法，佢哋點會唔用嚟打壓異見人士？」