五十五歲患有腎病多年的阿泉，為了治病，已耗盡僅有的積蓄，現靠領取微薄的綜援金維生，經濟緊絀。不良於行的他，現需每天在家中洗肚，以穩定病情。早前，六十歲的妻子阿紅從內地獲批來港居住，負責照顧其起居飲食；惟阿泉無力支付膳食及雜費開支，感到惆悵不已。
「每日要洗肚幾次，成個人都好易攰，試過自己行行吓街突然間暈倒。𠵱家太太可以留喺度住，梗係好啦，始終屋企多個人，發生咩事都有人幫助，不過我最擔心都係冇能力養埋佢。」訪問當日，身形瘦削的阿泉因為身體不適，需要卧在床上與記者交談。
大半生在廢紙廠任職搬運工人的阿泉，與妻子在內地結婚三十多年；育有兩名兒女，均已成家立室，各有家庭負擔。婚後，妻子留在鄉間照顧孩子；他則獨自來港謀生，每月賺取二萬多元，乃家庭的經濟支柱，一家四口的生活尚算安穩。
九八年尾開始，他感到身體不適，經醫生證實患了腎病，急需進行手術。由於他找不到合適的腎臟作移植，故體內需要長期插入喉管以便洗肚。該病除了令其身體飽受折磨外，亦因無法工作而被迫辭工，依靠綜援金過活，致家庭經濟陷入困境。為了生計，妻子在鄉間靠耕種維生，須節衣縮食過活。
「呢幾年我喺鄉下都係食田裏面種嘅瓜菜，生活真係好慳，𠵱家雖然批咗單程證，但因為冇錢，所以一年都係嚟兩、三次睇吓佢，我都好想喺度搵份洗碗雜工做，可以照顧佢同埋賺少少錢，不過見咗好多份工，都嫌我年紀大唔請。」談及此際，阿紅眼淚奪眶而出。
為了節省開支，阿泉租住狹小的板間房，現需每日自行洗肚三次，及定期往醫院覆診，以控制病情。
行動不便的他，大部份時間留在家中，甚少外出。他憂心忡忡地說：「每月出嗰份綜援，交晒租同埋水、電費之後，剩番千幾蚊用嚟食，根本就繃繃緊，太太來後更困難，咪求其食啲粥麵，有時月尾冇錢開飯，惟有問朋友借錢，𠵱家佢落埋嚟住，我哋連食都唔夠錢。」
有見阿泉夫婦生活陷困，蘋果日報慈善基金即時撥款三千元，讓他們應付伙食開支。
捐款編號：C0767
暖流熱線
電話：29908688
傳真：23702192
電郵：
網址：