【本報訊】六旬商人因投資外滙損手，無力支付利得稅四十多萬元，遭稅務局勒令不得出境，其後法庭相信他資不抵債，頒令他破產，但稅務局對其財政狀況仍有懷疑，不肯撤回禁令。昨日他向高等法院上訴，並在庭外大吐苦水：「𠵱家份份工都要北上工作，稅局唔畀我離境，我點賺錢還債？」
上訴人溫尚光現年六十三歲，他欠稅四十六萬八千元，又因做擔保人，欠銀行債三十多萬元，他自行申請破產，並以聆案官在本周四頒令他破產為由，要求稅局撤銷今年一月的禁制離境令，暫委法官張舉能聽罷雙方陳詞，押後判決。
「香港啲工，畀後生仔搵晒喇，我咁嘅年齡，做看更都冇人要！」溫尚光搵過四、五份工，每份都要返國內或出埠，偏偏稅局不肯讓他離境。
「如果我要走，九七年已經可以走，唔出得境，搵唔到錢，留低我係增加香港嘅負擔，我咪申請綜援囉！」溫強調自己是誠實交稅人，並批評稅局事隔五年，仍未查清他是否仍有資產。
案件編號：HCMP3981/2002