早排話優香喺夜間節目《優香座Cinema》入面，會一個人孭晒飛拍六部小電影，我羅拉初時以為係佢發揮演技嘅好時機啦，點知原來又係垃圾鬧劇一堆。好似喺其中一個叫《絕望的圓周率》嘅短劇入面，優香話就話做警察，整整吓無端端又要扮幪面超人，而另一齣《疊屋》入面，就影嚟影去都係佢個樣！講真吖，一套劇一日收工，全部臨時拉夫，又點會有水準！