噚晚一年一度嘅政府新聞處酒會，喺香港公園嘅露天餐廳舉行，有機會同高官摸住酒杯底傾偈，八方一定唔執輸。
教統局局長李國章最玩得，一見記者追問，就雙手抱拳求饒，話自己講乜都錯，要學定三十度鞠躬，重叫報紙記者不如搞個「局長日」，等自己一覺瞓醒，見到全部報紙都大字標題報局長嘅好嘢，一定會請記者食飯。
俾李國章明潤嘅「仙股罪人」馬時亨同財政司司長梁錦松都有到。記者問阿松去南京訪問，會唔會坐經濟客位慳啲錢，阿松話要問助手點安排，重笑自己好似演員，助手安排劇本、背景，提自己出場，做得唔好Howard同Raymond會大腳踢佢。政務司司長曾蔭權再次將香港經濟比喻為「見身郁唔見米白」，相信大家要再坐一會先見到有白米收成。
（圖）新聞處處長蔡瑩璧（中）做東道主，煲呔曾（右）同李國章都畀面出席。
傳真︰2623-9278
電郵︰