由報章《日刊體育》及石原裕次郎紀念館合辦的「第十五屆日刊體育報章電影大獎」，昨日公布得獎名單。而一向最受注目的「石原裕次郎新人獎」，由首次躍登大銀幕的長瀨智也，憑日韓電影《漢城72小時》奪得。至於影帝、影后則是真田廣之及鈴木京香。
「石原裕次郎新人獎」一向被視為此個頒獎禮中的大獎，自木村拓哉七年前奪獎後，去年才再出現有資格的得獎新人窪塚洋介。而長瀨主演的《漢》片，製作成本高達約六千二百萬港元，但卻被不少人批評為A級成本B級製作，又指長瀨似演偶像劇多過警匪片，而且票房慘淡，令斥資的富士電視台慘蝕約二千萬港元，故今次長瀨奪獎可謂令人非常驚訝。但長瀨本人卻一於好少理，歡天喜地大談得獎感受說：「真係好驚喜，估唔到我都可以攞到呢個咁有名嘅獎！」
至於七年前曾在同一頒獎禮奪得「最佳男主角」獎的真田廣之，今次憑與宮澤理惠合作的古裝片《黃昏清兵衛》，再奪影帝寶座。而首次奪得「最佳女主角」獎的鈴木京香，拍攝得獎電影時正值喪父，她說：「我搭火車穿梭拍攝場地時都會諗起佢，嗰段時間真係幾難捱，不過今次攞獎真係好開心。」