八方昨午叨陪末席，與本地傳媒大哥大姐一齊食蛇，席間談到財赤，莫不搖首，有前輩話，諗發債券去挹注赤字，無異於碌卡冚數，奈何減開支難，增收入亦難，梁錦松呢個預算案有何法寶，大家都好想知。
講講吓，有人忽然發覺明年三月第一個星期三，即三月五日，適值歲破，大事不宜，若然阿松揀該日公布財政大計，非常唔吉利。
八方記得有高人講過，九七年六月底回歸大典董特首宣誓之時辰，壞到不得了；翌日燒煙花，象徵特區誕生的第一響，又係正凶時；天意如此，難怪呢六年香港咁淒涼。
既然特區時運咁低，不如信吓邪，請阿松哥押後一個禮拜先至公布宏圖大計啦！點知大家一睇通勝─據蔡伯勵老師指示，三月十二號星期三，農曆二月初十，竟然係「忌開倉、宜安葬！」
傳真︰2623-9278
電郵︰