向以砂糖和橄欖油護手的本地名模陳嘉容（Eunis），日前拍攝了一輯nailsart硬照廣告，她表示若在指甲上加上閃石，變化更大，與好此道的表表者、日本天后濱崎步早前在指甲上鑲上真鑽石，可謂不謀而合。
近年nailsart大受中外明星名人愛戴，其中日本天后濱崎步便是nailsart的bigfans，她早前還在指甲上鑲上真鑽石，認真誇張。日前本地名模陳嘉容為其男友RickyKwok有份投資、髮廊IlColpo旗下的Hands&Nails拍攝新一輯nailsart硬照廣告，她也認為在指甲上加上閃石，效果會與別不同。
今次廣告共有四個造型，備有不同圖案的指甲，全部都是人手繪畫的，Eunis日前接受訪問時說：「如果喺指甲度加啲水晶閃石，去聖誕party嘅時候肯定增添唔少氣氛。」Eunis還表示拍攝此輯廣告比她平日行show更高難度，她說：「今次係我第一次拍nailsart嘅廣告，所擺嘅甫士主要集中喺上半身，有一定難度。」
拍廣告前兩星期，Eunis已開始加強手部護理，她說：「我不嬲都有做手部護理，但拍廣告前我成日上salon密集式做香薰磨砂同spatreatment，希望拍廣告嗰日可以以靚手示人。」
踏入冬天，Eunis更提供不少獨門護手秘方，她說：「平日可以以砂糖加橄欖油做磨砂，去死皮後皮膚會易啲吸收養份，搽埋潤手霜嚟按摩，就自然靚晒！」
原來Eunis十五、六歲時已開始注重手部護理，她說：「未入行做model前，好少會留意手部皮膚，但入行後因為對手亦係模特兒搵食嘅工具之一，所以要好好護理。尤其係示範珠寶首飾，如果對手啲皮膚唔靚，好容易冇咗個job。其實男女都要護手，如果護理得唔好，就好容昜暴露你嘅年齡。」
採訪：JessicaNgan
攝影：ChanChiLam