「洗衣機壞咗成年，冇錢買，阿婆又冇氣力洗衫，𠵱家啲衫褲都係沖涼時順便用腳搓兩搓就算數。」九十五歲邱友婆婆苦着臉對記者說。
老態龍鍾的邱婆婆，一生孤苦坎坷。丈夫早在抗日戰爭時身亡，她靠着一雙手，辛辛苦苦將兒子撫養成人，多年來以務農維生，直至十多年前才退休。邱婆婆滿以為晚年可享清福，卻因為兒子失業，老來還要為兩餐擔憂。
「早幾年個仔有嘢做，都有畀些少錢我買嘢食，𠵱家佢都成六十歲人，成日冇工開，都照顧唔到我囉。」刻下的邱婆婆，只能靠着社署每月發放的一千二百餘元傷殘津貼過活。「冇法子，冇錢惟有慳啲囉，鹹蛋、鹹魚又一餐。」
早前，獨居的邱婆婆因不慎在街上跌倒，以致左邊盆骨碎裂，現要依靠輪椅代步。「醫生話我年紀大，唔幫我做手術，𠵱家行唔到，對腳又成日痛，晚晚靠食止痛藥先瞓到覺，好陰功。」
雖然不良於行，但由於家境清貧，邱婆婆並沒有聘用家務助理，凡事也親力親為，奈何連月來家中的電器相繼失靈，為她帶來更多不便。「電飯煲又無端端壞，未煮熟飯就跳掣，搞到我成日煮生米。」貧困的邱婆婆惟盼善長捐助她一部全自動洗衣機及電飯煲，改善生活。
此外，蘋果基金有見邱婆婆缺乏禦寒衣物，特別於「送暖行動」中撥款，資助她購買寒衣，日內將安排義工送抵其家中。
捐款編號：C0768
暖流熱線
電話：29908688
傳真：23702192
電郵：
網址：