踏入十二月，除咗有勁多新Game推出外，亦會舉行全港首個AsiaGameShow，令到Game界非常熱鬧，SCEH更安排傳媒率先試玩嚟緊嘅PS2大作，《打機樂園》又再次搵嚟一班Game壇名人，齊齊試玩呢堆新Game，率先為大家作一試玩報告，等讀者可作一個聖誕買Game嘅參考。
記者、攝影：徐影龍
期待度：★★★★
講2D格鬥，重講街霸似乎有啲Out，後起之秀《GUILTYGEAR》系列屢獲好評，鮮豔豐富嘅卡通色表達、誇張華麗嘅必殺技，都令Fans人數日增，到移植至PS2後，完全感覺唔到Load碟有延遲，加上隱藏人物及多個故事模式，效果比街機版更好，絕對係聖誕HitGame之一。
期待度：★★★
整個《.hack》計劃非常壯大，包括動畫、Game等同期推出，雖然玩法屬ARPG，不過故事講述主角進入OnlineGame嘅世界，在各個地區（Server）中穿梭殺敵，實行Offline扮Online。
期待度：★★★
雖然唔及《心跳回憶》咁經典，不過《MemoryOff》都有唔少Fans支持，今次中文化後，相信能吸引更多機迷。遊戲玩法純粹以選項形式進行，屬睇多過玩之作。
Chrono（GameWave編輯）：「《.hackVol.3》對動畫迷嚟講絕對有吸引力，今集玩法分別不大，好有《PSO》Feel，相信最吸引仍然係附送嘅DVD影碟。《MemoryOff》中文繙譯做得幾好，畫質亦有提升，可惜互動性仍然極低，似一隻睇故事嘅Game。」
期待度：★★★
改裝貨櫃車喺日本都好流行，Game內就忠實咁呈現呢種極男人玩意，改裝部件多到暈，加上演歌天王北島三郎獻唱大量演歌，及戰勝全國貨櫃佬嘅玩法，極度大男人主義。
福田（GameWatch總編）：「《GUILTYGEARXX》畫質奇高，一秒六十格（60fps）喺2D格鬥嚟講屬少見，流暢度因而大大增加，新加嘅StoryMode及MissionMode令人冇咁快玩厭，強烈推薦！另一隻《爆走傳說－男花道夢浪漫》就主觀地推介畀大家，因為Game內有大量演歌，坐住改裝座駕聽住演歌，喺馬路上奔馳，好Man！」
期待度：★★★★
《XI》五年前推出時大受歡迎，主要係夠晒簡單易玩又刺激，到《XIGO》更進一步，加入連鎖爆炸系統，玩法簡單都有豐富變化，屬易學難精嘅Game。今集以中文化登場，就算新手玩家都明解連鎖技巧重點。
期待度：★★
《V-Rally》系列一向積極模仿經典作《SEGARally》，由賽道到玩法都好似，圖像表現尚算不俗，不過始終做唔到濃烈嘅RallyFeel。
亞猴（DreamStore代表）：「《XIGO》加入引爆系統的確令玩法更刺激，玩法簡單得嚟對戰氣氛又一流，最啱聖誕開Party玩。《V-Rally3》整體上算OK，不過唔知係咪試版關係，音效、沙塵等效果完全欠奉，希望到正式推出時修改晒喇。」
期待度：★★★
雖然只係東京GameShow嘅試玩版本，不過呢隻《GallopRacer6》完成度都好高，圖像表現好好，賽馬過程亦好流暢。今集連騎師都要玩埋育成，必須先通過各種訓練，攞到牌先可出賽，如控制馬匹檔位、打鞭技巧等，好有《GT3》Feel。
阿豪（GameWatch編輯）：「《GallopRacer》一向有唔錯嘅評價，今集各方面都強化之餘，加入騎師育成元素亦值一讚，AVG部份所有角色都以Q版表達，令人好受落。」
見到咁多新Game又未有得玩，係咪有啲唔夠喉呢？呢批新Game全部都可以喺嚟緊嘅AsiaGameShow度玩到，而《打機樂園》亦預備咗100隻PS2最新作的影像DVD畀讀者，入面有成16隻新Game影像資料，不妨睇住DVD頂癮先。讀者只需攜帶本版，今日到銅鑼灣SONYSTYLE免費換領，100個名額先到先得，詳情如下：
日期：只限今日
時間：下午1時至4時
地點：銅鑼灣軒尼詩道555號東角中心十六樓（鄰近崇光）
查詢電話：28931183