一向愛狗如命的傅明憲，早前以義工身份與「亞洲動物基金」成員到廣州，了解當地食貓、狗肉實況，雖然事前她做好心理準備，但當中殘忍程度仍超乎她想像。
傅明憲日前說：「啲人扑爆啲動物嘅頭，然後放血浸滾水拔毛，又伸手入佢哋嘅身體攞內臟，成地都係血同屍體！我哋聽到啲動物喺度叫喊，見到佢哋絕望嘅眼神，真係好傷心、好難過。」
傅明憲初以為可以用錢救回部份小動物，但她說：「現場有過千隻貓狗，救得呢批救唔到嗰批，真係愛莫能助。我希望可以藉住今次探訪教育下一代，話畀小朋友知啲小動物係我哋嘅朋友，唔係食物，亦都希望成日返內地食狗肉、貓肉嘅香港人，喺食之前，想像一吓殘殺動物嘅過程係幾咁殘忍。」