我Apple姐聽過唔少朋友講，話香港髮型師嘅水準相當高，你睇嫁咗去台灣嘅李美鳳就知啦，佢定時定候返嚟搵名髮型師BenLee剪髮㗎。 身材好好 嗱，原來另一個移居外地嘅靚女都係好捧本地髮型師場嘅，佢就係同囡囡去咗上海住嘅吳綺莉啦。前兩晚之嘛，我遇到佢喺中環TripleEdge剪髮，拍過纖體廣告嘅吳綺莉，真係愈嚟愈fit，之不過佢唔知係有心事定真係煙癮大，一坐低就不停煲煙。