賓利（Bentley）Arnage向來被視為係貴族房跑車，除擁有強勁輸出嘅引擎配搭，屬其賣點之一外，極具豪華氣派嘅車廂布局亦係誘人之處；而響日前，廠方亦正式公布咗，由BentleyMulliner一群設計師，所研製而成嘅全新ArnageLimousine長陣豪華轎車的詳細資料，相信又會惹來一班商賈富豪對之垂青。
呢部由BentleyMulliner研製而成嘅ArnageLimousine，響外形設計上與現有Arnage相似，並無作出太大改動；但軸距就增加咗728mm，從而令車廂空間變得更見充裕。而車廂內部除備有由高級真皮鑲嵌而成嘅座椅外，另外又備有小酒吧，與知己好友把酒言歡就最適合不過；另外，車上更設有22吋屏幕，除可用作播放DVD電影外，更可用以收看電視，配合埋5.1杜比環迴立體聲系統，真係儼如私人電影院一樣㗎！而400匹馬力輸出，則源自一台6.75公升V8引擎，配合上經過調校嘅懸掛及制動系統，行車表現可謂更見出色呢！