中大噚日頒發榮譽博士學位畀四位知名人士，包括香港奧運首金得主李麗珊、嘉華集團主席呂志和、國學大師季羨林，重有有份研究偉哥嘅九八年諾貝爾得主穆拉德（FeridMurad）教授。珊珊得獎雖然開心，但有一件事令佢耿耿於懷，皆因令佢喺亞運同世界賽都被迫放棄衞冕嘅腹痛，到𠵱家都未驗出真正病因。
原來珊珊返港已經換過幾個醫生，但係都搵唔出問題所在，班醫生都俾珊珊嘅無名腹痛考起，話呢個Case香港好少見。珊珊老公黃德森除咗擔心太太健康，亦為自己以後點稱呼珊珊擔心：「希望以後唔使叫佢Dr.Lee（李博士），可以叫番老婆。」
而呂志和就最威，同時攞埋港大嘅名譽院士，鍾逸傑、陳有慶同陳永棋一班老友出錢登報賀佢雙喜臨門。
（圖）珊珊做咗榮譽博士，佢老公黃德森希望唔使叫佢Dr.Lee，可以叫番老婆喎。 區民傑攝
傳真︰2623-9278
電郵︰