創作力與責任感，正是王菲御用形象指導TitiKwan擁有的最強籌碼。年前Titi曾與徐濠縈合作搞雜誌《Shower》，現在他以個人名義推出的《Winter》，主題為「正常」，同樣是借助時裝和攝影去說故事。
王菲的御用形象指導TitiKwan說過，能做出一本有idenity的雜誌一直是他的心願，今天他做到了。去年他與徐濠縈推出了兩期《Shower》，現在他以個人名義推出的《Winter》，於今天面世。
對於有不少聲音指《Shower》的風格曲高和寡，TitiKwan會說：「我唔期望所有人鍾意或認同我做嘅嘢，我淨係要做一本有國際水準嘅雜誌，點解永遠當香港人係低外國人一線嘅呢？我要證明香港人做嘅嘢絕對可以同國際睇齊，未來我會將雜誌分歐洲同香港版推出。」
《Winter》今天推出，其主題是「正常」（Normality），同樣是借助時裝和攝影去說故事。
Titi說：「我本來係想以神經病或者係瘋狂做主題，但係由開會、揀衫到做落去，發覺其實出嚟嘅效果一啲都唔癲，重好正常，所以就以『Normality』為主題，或者仍然會有人覺得呢類型嘅創作係有啲不切實際，我想講，我嘅不切實際就只在創作世界裏面，但係同樣我都係工作認真嘅人，甚至可以話係過份認真㖭。」
不再是《Shower》，原因是甚麼？Titi說：「因為公司轉變嘅原因，涉及一啲手續，所以要喺兩日內改過另外一個名，但係我認為一本雜誌，內容比起個名實在重要得多，反正我又唔係一個想出名、要出名嘅人。
「我做雜誌嘅目的唔係玩玩吓，係將我累積多年嘅經驗，對人對事、對潮流嘅觸覺，用自己嘅方式表達出嚟。另外今次能夠喺好短嘅時間獲得客戶嘅支持，我亦覺得好開心好鼓舞。」
採訪：MichelleLeung