一代「癲」王米高積遜（MichaelJackson）早兩日自稱畀蜘蛛咬傷後，前日繼續拐吓拐吓上庭，第五度為被控違約單官司作供。不過米高心情似乎唔錯，不時同fans講「聖誕快樂」，又戴上藍色領呔同喺右手綁住一條藍色帶，聽講話會帶嚟好運喎。可惜佢作供期間又嚟料，攞住罐糖係咁食，又話同和路迪士尼一樣，係神派佢嚟凡間娛民喎，總之九唔搭八喇！