由工行及滙豐銀行聯合主辦嘅中國資本之年研討會噚日喺北京結束，與會者同主辦單位一致看好中國市場嘅發展前景，八方就覺得另一件事更有價值喇。滙豐亞太主席艾爾敦發表結束詞時，首次公開露兩口，用普通話講出未來嘅中國肯定「成就非凡，充滿機會」。敦哥重話呢兩句普通話係由正喺北京讀書嘅兩個仔教嘅。據說其公子普通話水平不凡，難怪老父亦話呢兩句普通話唔易讀。
敦哥又引述世界銀行一份報告指出，若將中國每個省分當作獨立經濟體系睇，咁由七八至九五年間，中國肯定榮膺全球首二十個經濟增長最快嘅地區。
（圖）艾爾敦嘅普通話原來係佢兩位公子教嘅。
傳真︰2623-9278
電郵︰