八方重記得當日梁百忍去廣州做駐粵辦主任前，曾經同行家講過，得閒上開去可以搵佢飲茶食飯，不過前兩日八方有同事去咗廣州，都未同梁主任食飯，已經俾嗰種「落閘放狗」歡迎方式趕走。
話說阿董訪廣州，《蘋果》冇得採訪已經唔係新聞，但係我哋同事都好識做，唔會令新聞處同大家難做，前日八方同事喺廣州見到香港駐粵辦廖姓新聞官，其嘴臉重難頂過北大人！當日《蘋果》記者喺廣州酒店見到呢位新聞官，諗住大家香港人，握手交個朋友，點知呢位官老爺反應好大，唔單只立即彈開，重加多句：「蘋果？唔好吓嘛！」態度極之惡劣，梁主任都應處理吓。
傳真︰2623-9278
電郵︰