老實講，要我喺深圳做Facial一定唔夠膽，最怕係儀器污糟加上用啲不知名嘅護膚品，搞到塊臉又紅又腫，真係用多多錢都補唔番。如果你好似我咁驚唔敢做Facial的話，不妨學我去做BodyTreatment，近日我就喺深圳試過用足足3斤番茄敷晒上身，效果又白又滑，配合美容師熟練嘅按摩手勢，真係舒服到痹。
記者：歐嘉荃
攝影：陳良
ImageGirl：Michelle
番茄就食得多，我同Model都未試過將3斤番茄敷晒上身做Mask，感覺的確幾特別，聽呢間美容中心的美容主任Fiona話，呢幾款用天然材料做嘅BodyTreatment，係店內最受歡迎的Treatment之一，雖然呢度只係開業三個月，但已有三、四十個熟客專做這個BodyTreatment，8間VIP房經常都Full，的確幾巴閉。
這護理包括身體磨砂同一個50分鐘的香薰身體按摩，跟住就將已榨成漿的番茄加入體膜粉攪勻，然後就由頸以下的身體部份敷到落腳趾尾，讓全身都可以吸收到番茄的精華。Fiona話：「番茄含有豐富的維他命，可以直接被皮膚吸收，而且重可以滲落皮膚底層，軟化肌膚，達到最佳的美白同潤膚的效果。」我試過覺得效果唔錯，不過就嫌敷時啲番茄Mask凍冰冰，初初敷時重凍到打咗幾個冷震。
做Mask前首先要焗桑拿，讓皮膚的毛孔擴張，呢間公用桑拿室除了有3間濕蒸桑拿房外，重有Spa房，放置了假樹及假石作裝飾，感覺有點似城市中的綠洲。
敷上番茄Mask後，美容師會幫你全身包上保鮮紙，跟住就瞓入紅外線太空氈內，Fiona話：「張氈可以發放華氏75度的溫度，幫助皮膚吸收營養，加速淋巴系統的功能，有助排毒兼具纖體功效。」瞓喺入面暖笠笠，幾舒服㗎！
焗完太空氈，就要將身體上嘅番茄渣洗去，洗完後，美容師重會幫你搽番層潤膚霜，滋潤肌膚。
除咗番茄外，其實重有芝麻同咖啡體膜護理可以選擇，Model就試過芝麻：「芝麻陣味好香，按摩時感覺有啲似磨砂，聽美容師話芝麻可以去水腫，重有美白同潤膚效用。」至於咖啡，美容師就話有排毒同纖體的效果，想減肥的朋友就不妨一試。
芝麻滑膚牛奶美白體膜護理 ?480/2小時
咖啡纖體排毒海藻淨膚護理 ?480/2小時
蕓莎莉娜
地址：羅湖嘉賓路彭年廣場東佳大廈二樓全層
電話：（86）75525185552
營業時間：10:00am?0:00pm
交通：由羅湖關口乘的士約?15
要享受蒸浴就要坐喺呢部可以發出攝氏40度的蒸浴機內，只要加入紅酒及牛奶，蒸浴機內產生的高熱量分子就由毛孔滲入肌膚內，大約焗10分鐘左右，便可以聞到紅酒同牛奶的香味，最好係可以一邊蒸浴一邊睇書。美容師話第一次只可以蒸15分鐘，過長的話好易頭暈。
美白兼軟化角質
蒸浴除咗舒服外，其實重有不錯嘅效用，好似紅酒就可以促進血液循環，軟化角質，而牛奶就有美白同排毒功效，想面色紅潤，冬天唔想手凍腳凍的話，美容師就建議將紅酒的份量加重，咁樣身體就唔會咁虛寒，皮膚重會變得紅卜卜，各位聽到未？
名妝
地址：深圳香梅路東方玫瑰花園10號
電話：（86）75582902671
營業時間：10:00am?0:00pm
交通：由羅湖關口乘的士約?40