為表揚商界對社會服務嘅支持，香港社會服務聯會今年首次舉辦「商界展關懷」計劃，經過一輪評審，噚日舉行「商界展關懷」標誌頒贈典禮，共有二百五十九間公司獲獎，場面墟冚。
八方見到咁多公司關懷社會，都覺得好感動，最開心就係《蘋果日報》都有份攞獎。原來蘋果日報慈善基金自從九五年成立以來，每年受惠嘅人數以萬計，真係做到呢個計劃所講嘅「樂於捐助社群」。蘋果總經理廖建明噚日出席頒獎禮後同八方傾咗幾句，佢話基金至今共獲捐助八千六百幾萬元，其中好大部份已經送咗畀有需要嘅人士或機構，足足有成二百個機構受惠，𠵱家可動用嘅重有二千九百幾萬。佢重話呢個獎令蘋果同社會更加密切，真係非常開心。
（圖）本報獲頒「商界展關懷」標誌，由總經理廖建明親自到場領獎。
傳真︰2623-9278
電郵︰