做新聞呢行永遠都係趕時趕刻，搶先報道。多過一間報館，一種媒體，根本好難就出街見報時間達成共識，一個唔該，某間傳媒嘅老細話冇得等，咁邊個揹得起先？話說日前入境處官員禤先生接受傳媒訪問，有半打報紙，又有電台，聽講當初話咗可以傾吓出街時間，夾定一齊出，但係結果就不歡而散，各有各做，件事重小事化大。
商台新聞部主管May姐噚日向八方訴不平，佢話商台本來應允讓步，約定同報紙喺訪問第二日同日出街，但係啲行家話要等到下周一！May姐話自己都冇出馬做訪問，但就被人擺上枱，鬧佢唔守約，張相重見埋報㖭，所以佢覺得好冇意思。其實呢啲安排，並非好工作習慣，真係可免則免，無謂傷和氣。
傳真︰2623-9278
電郵︰