梁錦松與部門首長爭錢用，基層公僕幫哪一方？答案是：兩人各有支持者。
第一標準薪級公務員評議會職方主席龍榮發認為，政府透過推行自願退休計劃而節省的開支，應該可讓各部門按日常運作需要，自行運用。他說：「𠵱家各部門都已經要削減開支百分之一點八，如果喺自願退休計劃慳到錢，又係歸番政府，咁部門日常運作就好困難，就算唔夠人手，外判服務都要錢嘛！」
不過，公務員工會聯合會主席梁籌庭認為：「慳到嘅錢歸番政府係啱喎，如果唔減番，畀部門自己用，咁部門大使點算？」
香港公務員總工會主席張國標則說：「慳到啲錢畀部門用又好，由政府扣起又好，都係左手交右手啫……最主要係個計劃最終吸引到人走，慳多咗錢。」
本報記者