混血女模Rosemary和母親Julie、王合喜、蒙嘉慧及袁彩雲昨日往銅鑼灣，出席TowngasAvenue一周年慶祝活動，即場一顯廚藝。Rosemary身穿低胸吊帶上衣，與母親炮製意大利雲吞。Julie透露愛女最愛吃火雞，問她可會預埋女兒男友Gordan，她表示要考慮。
蒙嘉慧、王合喜、袁彩雲及混血名模Rosemary偕母親Julie，昨日於銅鑼灣出席TowngasAvenue一周年慶祝活動，各人分別大展廚藝。
蒙嘉慧與王合喜合作炮製呍呢嗱梳乎厘、Rosemary母女聯手煮意大利雲吞，而袁彩雲則巧製吞拿魚沙律。三組勢均力敵，十分熟練。
Rosemary昨日穿上低胸吊帶上衣一展廚藝，她俯低身時身形極有看頭。Rosemary母女亦是廚藝精湛的一對，Julie說：「我哋喺法國生活嗰陣，係要去廚藝學校學煮嘢食嘅，所以由頭盤到甜品我哋都識㗎。」
Julie續說：「咁多菜式中，Rosemary最鍾意我煲嘅中式湯水，另外聖誕就嚟到，佢好鍾意食火雞㖭，不過火雞咁大隻，我哋成日都食唔晒。」
早前Rosemary男友Gordan指去年已有與女友一家吃聖誕晚餐，記者向Julie提議，既然會吃剩火雞，不如今年再預Gordan一份，Julie聞言即說：「睇吓點先啦。」問她請Gordan吃火雞都要考慮，似乎孤寒了一點，Julie即說：「我已經畀個女自己搬出嚟住，重想點呀？」
此外，蒙嘉慧表示前天才開始學整梳乎厘，昨日她的成績甚佳。她表示自己是個注重家庭生活的人，所以未來的伴侶最好是精通廚藝及喜歡打理家務，她說：「我唔使伴侶係猛男，有好嘅外貌同身形，只要佢可以賺到錢養我，又會執屋煮飯就得。」