一間逾三千呎的新食府RAMASGREENS在銅鑼灣登陸，簡約的裝修，感覺令人溫暖之餘，又差點以為自己置身蘭桂坊。食物糅合中西烹調的技巧，有別於一般的Fusion菜，大廚將中西兩種的烹調法融合一起，也許大家要親身試過至能感受廚師的那份心思。
記者：陳冰麗
攝影：伍慶泉
Model：Michelle
踏入RAMASGREENS的最初一刻畀我的感覺是：嘩！咁似蘭桂坊嘅！偌大的空間，完全沒有拘束感，舒適的梳化座椅，加上柔和的燈光，畀人一種好輕鬆的感覺。
負責人Silas稱：「RAMASGREENS的基本概念就係要營造一個家嘅感覺，所以餐廳嘅裝修同布置以簡約嘅現代裝修為主，譬如我哋成個場中間係無柱位嘅，取而代之用咗柔軟嘅絲質帳幔，令整體感覺好Soft之餘，同時亦令視覺上更富美感。」
Silas解釋，RAMASGREENS個名原來有得解，RAMAS是古埃及及法老王的名字，曾經是稱雄西方的君王，而GREENS則是亞洲各類香草的統稱。
較重日式風味的一個菜式，用的是澳洲牛肉，味甜肉厚。三文魚柳、鮮帶子則是挪威入口貨，大廚先以麻油、花生及青檸汁醃過海鮮再烹煮，帶有濃濃的麻油香，酸甜開胃。
用烤鴨及MozzarellaCheese做薄餅底，全港首創。以傳統方法烤製鴨肉後，再將其拆肉，配以西芹、洋葱、大蒜、芝士等去焗製，一隻鴨可做七件十四吋薄餅，口感脆身，同時不會因為有太濃的醬汁而蓋過鴨肉的鮮香味。
日式風味，最特別是個汁，利用海膽和木魚及清酒做成，鮮味而又帶少少甜，海膽汁滲透入三文魚、蟹肉及長通粉內一齊食，更見鮮味。
忌廉燉蛋本是法國甜品，但大廚將其加入茉莉茶一同炮製，增加香味外，食落滑而不膩。
「我哋喺設計菜式方面，採用中西混合做法，帶有Mix&Match風味，有印式、日式、意式同法式等等。我哋唔希望將原有嘅西菜做到不倫不類，而係可以用西餐嘅做法去重新演繹，令菜式更清新同好味，醬汁嘅配合係其中嘅一部份。」
Silas直言：「我對我嘅大廚Leo好有信心，佢曾經喺君悅同其他西餐廳做過，西餐入廚超過十七年，係一個有經驗嘅大廚，我對於佢設計嘅一系列Mix&Match菜式都好滿意，而事實上客人食過都讚好。」
RAMASGREENS
地址：銅鑼灣時代廣場食通天11樓4號舖
電話：31010656
營業時間：12:00pm-2:00am
座位：約130個