今時今日賣車艱難，做細車代理重艱難。早兩日亞Mark提到大發代理權，明年會歸入皇冠車行旗下，惹起不少行內行外人士嘅迴響；有口痕友問亞Mark，家陣大勢所趨，唔少細公司都被大公司合併或歸旗下管理，對車迷又或者傳媒有甚麼影響呢？原來影響所及又真係唔小㗎！正如早前大發車廠嘅控股權歸入豐田之後，大發所有1300cc以上嘅車種經已絕迹，以免跟豐田有競爭嘛！而呢兩、三年間，香港大發代理引入唔少日本本土版新車到港，原來呢啲車嘅Warranty，廠方係唔負責，全由香港代理承擔㗎！所以可預見明年大發嘅車款，只會有減無加；而早前唔少傳媒大肆報道嘅全新Move車系，幾乎可以肯定到港無望，皆因廠方並未有Move出口版嘛！你話對車迷又或者本地傳媒，係咪好大損失呢！