今個月十四號，一年一度嘅工展會就會開幕喇，八方噚日同廠商會會長陳永棋講起，原來今年係最後一年喺添馬艦舉辦呢個活動，明年會移師維多利亞公園舉行。陳會長重話，雖然經濟不景，但今年參展商非常踴躍，部份攤位租金加咗兩、三個巴仙，但攤位一早已經訂滿晒，好多參展商更加碼租多咗攤位，可惜場地有限，唔容得咁多。
不過，八方問到工展會管理機構立新國際發言人，佢話今年參展商數目大約有二百七十家，同舊年差唔多，攤位數目由舊年嘅五百三十個增加到今年嘅五百五十個。可能陳會長呢排貴人事忙，先至有多少誤會啫。
（圖）廠商會會長陳永棋對於今年工展會參展商嘅數目唔係咁清楚。
傳真︰2623-9278
電郵︰