中華廚藝學院噚日專程請咗曾獲中國十大烹飪大師美譽嘅黃振華，向學員即場示範烹調四款廣東菜，等佢哋畢業之後學有所用。一向為食嘅八方收到風即刻走去試食，點知失望而回。
黃振華師傅噚日整咗四味餸，包括「四寶炒牛奶」、「蠔皇煀鴿」、「鮮茄珍珠鮑」同「椰青海中寶」，八方食完之後，發覺嗰味「鮮茄珍珠鮑」酸味過濃，問黃師傅點解咁酸，黃師傅解釋所用嘅鑊同鑊鏟唔係自己用開嗰套，所以可能有少少失準。
八方建議如果大家想試真啲黃師傅嘅廚藝，就要上廣州黃師傅做嘢間酒家。
（圖）黃振華話噚日用嘅鑊同鑊鏟都唔係自己用開嗰套，所以有啲失準。
傳真︰2623-9278
電郵︰