郭羨妮與溫兆倫過去在愛情路上可謂多姿多采，最近無綫找他們合演《牛郎織女》，令兩人擦出愛火花，昨日凌晨五時，溫兆倫更駕車送郭羨妮回家，戀情即時曝光。
現年二十七歲的郭羨妮（Sonija），近年備受無綫力捧，成為當家花旦之一，不過隨着知名度不斷上升，她的緋聞亦接踵而來。最近郭羨妮與溫兆倫合演劇集《牛郎織女》時，原本有傳她嫌棄三十八歲的溫兆倫年紀大，不過事後兩位否認此事，其實他們不但沒有互相抗拒，反而熱戀起來。
昨日凌晨約五時，郭羨妮與溫兆倫拍完《牛郎織女》後，有人目睹溫兆倫駕車送郭羨妮返回太子道寓所，不過兩人最終各自駕車抵達，由於溫兆倫沒想到有記者在場守候，故此即時離開現場。但十五分鐘後，溫兆倫竟折返現場跟記者說：「你知唔知咁樣企喺Sonija樓下等佢好危險呀！」說罷他便駕車返回旺角寓所。
昨日記者致電郭羨妮求證，她說：「噚日我因為腸胃炎，所以朝早冇拍外景，到夜晚先至返無綫廠開工，咁收工後佢（溫兆倫）見我唔舒服，唔放心，所以咪送我返屋企囉。我同佢合作之後，發覺大家幾傾得埋，都好了解對方，我幾care呢個朋友，至於將來會唔會拍拖，呢啲事冇人會知，我覺得最好係順其自然。」
溫兆倫在內地原本有一位未婚妻苗紅，但去年他表示兩人已經分手。昨晚約七時許，溫兆倫返回電視城開工，對於上述緋聞，他說：「我哋住得好近，送佢返屋企嗰陣忽然有部車跟住我哋，初時以為係賊，我重想報警。」溫兆倫又盛讚郭羨妮夠專業，他說：「佢好有修養，又準時，𠵱家我都唔知我哋係乜關係，總之識到佢就只有開心兩個字，將來會唔會成為情侶，將來嘅嘢冇人知，我作為基督徒，就最好交畀神處理，以後我同佢相處亦唔會避忌，因為我哋嘅交往係正大光明。」