有周刊拍得早前宣布破產的陳曜在港有新女伴，兩人同赴上海前先後出入工廠區、港島酒店和蘇豪區。昨日其舊愛章小蕙在中環時裝店祝福陳曜，希望他有圓滿的結局。
早前宣布破產、並遠走外地的章小蕙舊愛陳曜旻（白頭陳），被周刊拍下上月底與一名身材豐滿的中年女子共赴上海，而離港前這名女子除陪伴陳曜旻往工廠區傾生意外，兩人更出入高消費的港島區酒店及中環蘇豪區食肆與陳曜旻的子女敍天倫。
周刊還以章小蕙和白頭陳決裂為題，並指出章小蕙常現身KeeClub，結識男伴。章小蕙昨日在其中環時裝店見記者時說：「佢哋真係取巧，寫到好似我有新歡咁，同佢約會個女人驟眼睇好似我嘅職員Polly㖭，不過我覺得寫佢出入高消費地方，呢一點對佢唔公平，唔係話着得靚食得好就係有錢嘅。」
章小蕙續說：「我同Edmund（陳曜旻）分咗手已經半年，曾經都有傾吓電話嘅，不過到最近已經冇聯絡啦，呢個人對我嚟講可以話既熟識但又已經冇晒關係，佢嘅感情狀況我真係唔清楚，我都希望佢有個圓滿嘅結局，𠵱家咪好囉，我都放下心頭大石啦。我都希望佢愉快順利啦。我自己呢？新車新計劃就有，就只欠新歡啫。」
另外，章小蕙再度澄清她新購買的寶馬房車並非外傳是隱形富豪所贈，她說：「架車係用我家姐嘅名義上會買嘅，因為我有官司在身，車會唔受我。」
採訪、攝影：顏英儀