一向都知四川菜以麻辣聞名，雖然我並不嗜辣，但知道鳳凰路有一家以食麻辣出名的四川菜館，佢哋每月用近二千斤辣椒仔，炮製新派的四川菜。當中最出名的辣子龍蝦仔，便是其鎮店名菜。我問過其中一位香港食客，她覺得在這裏的小辣程度，絕對拍得住香港的中辣甚至大辣，所以若然想挑戰自己的味覺，就一定要去試試！
記者：黃希知
攝影：韋信
店舖不止大，裝修亦別具一格，全店共有兩層，兩層樓底都非常高，但論裝修，下層比二樓更有特色，正中央擺放了兩棵人造假樹，樹上掛滿紅噹噹的燈籠，坐在酸枝椅上，鬧哄哄的氣氛，加上四周辣味飄香，食物未落肚，嗅覺與視覺上已充滿刺激。
辣指數：███
雖是小辣，但見到碟上堆滿又細又紅的辣椒仔，筷子遞到碟邊都想縮回。食落有少少麻辣，辣度還可接受，由湖北運來的龍蝦仔，用上一斤辣椒、花椒、香料同師傅自家調製的醬汁炒過，肉質依然爽甜。負責人話龍蝦仔會由兩位師傅全權負責，以確保味道同品質可以控制得更好。
辣指數：████
辣子田螺製法雖然同辣子龍蝦仔一樣，但論辣度，田螺明顯比龍蝦仔強勁，田螺殼內充滿麻辣汁，螺肉滲滿辣味，食落好鮮甜，想食得更刺激，重可以大力啜一啜，先感受其濃烈的麻辣味，然後才食螺肉，包你食完條脷「㷫烚烚」！
辣指數：一啲都唔辣
原隻蟹配以新鮮粟米粒、鹹蛋黃和四川臘肉粒焗成，賣相看似簡單，但味道卻非常特別，粟米粒夾着鹹蛋黃和臘肉的鹹香味，還有肉蟹的鮮味，既有四川菜的鹹鮮特色，亦有創新的概念，我食完一碟忍唔住再叫多一碟。
辣指數：████▊
烏江魚是另一鎮店之寶，所用的太極形鴛鴦鍋是老闆找人特製，魚活劏起骨切片，分別加入四川湯底和清湯灼熟。辣湯用辣椒加清湯炮製而成；清湯則用豬骨加雞熬四個鐘，聽老闆話重慶烏江魚少脂肪高蛋白質，食多多都唔肥，我即刻第一個試，清湯的魚肉入口爽滑鮮甜，而辣湯的魚肉則辣到飛起，絕對是味覺的一大挑戰。
舖頭門口的兩個大瓦缸，都是用來煨湯，十多煲湯分成幾層放在瓦缸內。原來當地有不少人依然沿用這種原始的煲湯方法，因為這樣煨出來的湯特別清香。而這裏最有名堂的湯就是霸王別姬，由水鴨、豬骨加十多種藥材熬成，湯味清甜，有補脾胃的作用。
為了做出最傳統的豆腐花，老闆由四川運來特製石磨和「膽水點」，膽水點的作用，有如香港人用的石膏粉，主要令豆漿凝固成為豆腐花，但就天然得多。我重發現原來四川人食豆腐花，除了鹹、甜外重有辣，食時撒上辣椒粉、花椒粉，是四川人的至愛。
巴渝食家
地址：深圳市羅湖區鳳凰路105號
電話：（86）7555410356
營業時間：上午10時至凌晨6時