踏入十二月，北風未至，但內地嘅活動停不了，除咗董特首下周初訪京述職，八方知道下星期南京會有香港周，多位高官會北上推銷香港，包括財爺梁錦松同工商及科技局局長唐英年，相信香港記者最關心財爺會唔會帶埋嬌妻去。
不過，八方有興趣睇吓下周五另一場好節目，原來港交所參與籌辦呢個活動，兼舉行推介會，已經辭職嘅行政總裁鄺其志都會出席演講，睇怕今次都係佢最後一次代表港交所遊南京。唔知係咁啱定真係咁蹺，港府派出鄺總裁老頂嘅老頂馬時亨，為香港周作壓陣宣傳，到時會同鄺總裁同一時間喺南京。兩位仙股事件主角都好耐冇一齊公開露面，南京唔算好大，到時唔知佢哋有冇偈傾呢？
（圖）馬時亨同鄺總裁喺南京見到面嗰時會唔會傾偈呢？
傳真︰2623-9278
電郵︰