八方喺上面提到嘅「華人青年企業家大獎」酒會上，重見到立會議員蔡素玉，佢好開心咁話今日會飛去台北、高雄睇市長選舉，三位議員遲佢一日到。幾乎所有女士都捧馬英九場，叉燒（蔡素玉）亦希望此行可撞見小馬哥，重講笑話要帶埋波鞋，皆因小馬哥最鍾意一早着住短褲去跑步。
轉過頭，八方又見到中華旅行社總經理張良任，佢話會帶議員去晒唔同陣營參選人嘅競選總部，不過見唔見到小馬哥就要靠運。
香港嘅議員可以喺台灣來去自如，身在台灣嘅光華文化中心主任路平女士，來港就似乎仍遙遙無期，到底張良任有冇搵過負責港台事務嘅林瑞麟傾吓？原來兩人至今仍未正式會面傾談過，比起上任嘅葉國華，林D8係咪太唔稱職？張良任欲言又止：「唉呀！怎麼說呢？」最後只能話不便比較，總之到𠵱家佢同葉國華個個月都一齊飲咖啡。
傳真︰2623-9278
電郵︰