國際電訊聯盟（ITU）喺香港開亞洲電信展，唔少國家嘅電訊部長都畀晒面出席，印度駐港總領事康特就專誠為佢哋嘅女部長Mrs.SumitraMahajan開咗個歡迎酒會，李柱銘、曾鈺成同埋政府官員包括盧維思同關永華都有去。
尤曾家麗雖然已經由資訊科技局調咗去衞生福利及食物局當常秘，但係都特登抽空去同班舊朋友打個招呼。尤太話，佢上次都有力邀呢位部長在港逗留多幾日，但係並唔容易，所以今次嚟到停一停，算好好，值得慶祝。
八方問尤太，自從轉咗新位後，係咪少飛咗，點知佢話唔係，特別係最近為咗冰鮮雞嘅問題，飛咗去北京兩次。至於急症室收費，亦關佢事，尤太出名樂天派，強項係problemsolving，去到邊做到邊，總之一定搞掂。
﹙圖﹚有外國商人出現嘅地方，都一定會見到投資推廣署署長盧維思，佢重同印度女部長合照。
傳真︰2623-9278
電郵︰