鍾意款式較實際的家具，呢間以本地設計的家具廣場就最啱啦！家具廣場佔地2萬平方米，分三層，有齊家具、家品、布藝、水晶飾品等近百個品牌，配套十分完善。
一上到四樓，我就被呢套木櫈連茶几吸引住，聽售貨員姚小姐話，呢套家具乃國內名牌，屬品質最好的AAA貨。佢張櫈附有一張矮矮的腳踏櫈，晾起雙腳睇報紙就最舒服，櫈以實木同馬來西亞的藤製成，配搭都算特別。
行到落三樓，所見的家具大部份都熟口熟面，好似土瓜灣的家具，不過摸上手質料就較靚，好似呢張梳化床，只要拉高背部位置，便可變成一張梳化，不過我覺得好似張床咁嘅擺法係最型仔嘅。
港客陸先生：「呢度啲家具款式唔錯，雖然價錢同香港差唔多，不過質素好過香港，加埋運費，價錢尚算合理。」
注意事項
1）場內部分貨品不設訂做，不妨多問幾句。
2）運費以貨品的重量計算，每公斤大約?3至?4，購買後廣場職員可代安排託運。
3）送貨時間不定，由一個星期至半個月不等。
好百年國際家居廣場
地址：深圳市洪湖路1號
電話：（86）75525607720
營業時間：9:00am-9:30pm（星期一至五）
9:00am-10:00pm（星期六）