響現正舉行嘅第35屆EssenMotorShow上，歐寶車廠展出有多款高性能型號，令在場參觀人士感到目不暇給之外，其中最受人注目嘅，相信會係呢款由Corsa小車演變而來嘅CorsaOPC概念跑車喇！
雖然外表看似沒有多大改動，但廠方就為其加裝上全車包圍、誇張嘅拋外輪拱同埋17吋合金胎軨連215/40R17輪胎組合，另外由於用上全新DSA（DynamicSafety）跑車底盤並經過強化調校，故此車高亦較一般Corsa低25mm，一派高性能小跑車形象完全表露無遺。車廂內部亦以藍色為主調，如前排一雙桶形座椅及安全帶等等，從而與車身達致相呼應嘅效果；而門壁及中控台上，更有不少金屬面板裝飾，望落更富High-tech感呢！
至於機械方面，CorsaOPC用上一台1.6公升Ecotec引擎，再加上Turbo裝置，馬力輸出激增至175匹，而扭力輸出更高達21.4kgm，難怪新車0至100公里加速度，僅為7.9秒而已，極速更可高達225km/h咁快啦！唔知當新車正式推出時，本港代理有無興趣將之引入呢？