愛美神黎姿近日把頭髮染成紫紅色，嘗試中性風格。伊人最愛買衫，每年置裝費至少數十萬元。談到扮靚心得，她買衫着重剪裁，最緊要型。
黎姿近日以紫紅色短髮示人，連穿衣風格亦轉變，有愛美神之稱的她日前接受訪問時說：「我個樣好女仔，留長髮、着長裙就會變得好斯文。其實邊種風格我都鍾意，形象好百變，不過一定要有型。𠵱家剪咗髮，感覺中性啲，可以試多啲新嘢。」
不過試新事物亦有規限，黎姿說：「好似band友嘅rockstyle，成身鐵鏈、黑沉沉嘅顏色，我真係唔受得㗎。𠵱家唔再興單一style，少少女性化，靚得嚟又有型咁就最啱我啦，casualsmart或casualluxury都啱我。」
黎姿坦言愛美、愛買衫，每年至少花數十萬元置裝，她說：「我好着重finishing同cutting，試過買件過萬蚊嘅名牌衫，但剪裁好曳。𠵱家我唔睇牌子，買衫一定要試上身。」
有「富豪風水師」之稱的陳伯曾叫英皇旗下藝人穿着特定顏色的服裝，趨吉避凶。黎姿是陳伯的契女，問她可有依五行或運程穿衣，她笑說：「唔關事㗎，我冇理㗎！其實着衫好睇個人，我自己好多顏色嘅衫都會着，以前比較鍾意pink、applegreen，girlish啲。」
問到keepfit心得，黎姿說：「我冇戒口，𠵱家每朝都游水，覺得好健康。不過我重有好多唔滿意嘅部份，好似應大嘅地方要大，應瘦嘅要更瘦先好。」
黎姿日前示範的冬裝，來自本地設計師BonitaCheung的手筆。Bonita是能夠進駐名店連卡佛的少數本地薑，她以精巧細緻的手工見稱。
今年冬天的新裝以法式摩洛哥風情為主題，選用矜貴而飄逸的雪紡、satin、真絲等質料，流露浪漫醉人氣息。焦點則選在胸前位置釘上古董手工的釘珠刺繡，塑造貴格民族風。
Bonita一向愛用對比元素，以簡單剪裁結合華貴details，造出具古典味道的partydress。黎姿試穿後大讚新裝色調柔和，她說：「我好鍾意dustypink、生銹銅咁嘅色，柔和又獨特。釘珠同刺繡做得好仔細，finishing亦好好。」
採訪：DebbieLum
攝影：ChanChiLam
化妝：RickChin
髮型：KelvinKooofHAiR
服裝：BonitaCheung（中環連卡佛）
鞋及配飾：LaneCrawford、BonitaCheung
場地：Tassels