萬人迷木村拓哉嘅形象一向不羈，就算同工藤靜香結咗婚之後，佢嘅image都冇變過，重成日同啲靚女一齊拍吓廣告㖭！不過最近木村竟然同個大肥佬一齊拍咗個火辣辣嘅廣告，簡直笑死我大口羅拉！
木村出任KirinBeverage嘅Fire罐裝咖啡廣告代言人都有一段日子，早排佢先至同個見唔到樣嘅金髮美女攬住拍廣告，早幾日廣告推出新版本，雖然今次主題仍然賣火辣，木村喺入面依舊攬住一個大露背又見唔到樣嘅人，但今次依偎喺木村胸膛嘅竟然係一位大肥佬！睇見呢位肥叔叔嘅背脊上面標晒汗同油，感覺相當「肥騰騰」，再加埋木村嘅表情，相當搞笑！
相信做咗人老公嘅木村，同同性拍廣告會好過同異性合作，至少唔怕工藤靜香呷醋嘛！