唔講大家可能唔覺，香港各間大學其實有唔少國際級學者，擔任授課同研究工作。城市大學物理及材料科學系嘅朱劍豪講座教授、電子工程學系陸貴文講座教授同科學及工程學院副院長許樹源講座教授三位，最近就分別憑等離子植入及澱積、寬頻帶平面天線及電介質諧振器天線，以及電力電子電路和建模技術等範疇嘅研究成就，榮獲2003國際電子電機工程師學會院士（IEEEFellow）殊榮，證明本港研究人才確實具有世界殿堂級水準。
三位學者噚日同八方傾開得獎感受，話香港其實唔需要搞大學合併，現時師資絕對唔會差過北大同清華等內地頂尖大學，反而應該放眼增加研究生學額，培育更多研究人才。
﹙圖﹚三名得獎人陸貴文（左）、許樹源（左二）、朱劍豪（右），搵埋城大校長張信剛（右二）同科學及工程學院院長王世全（中）影番張相。
傳真︰2623-9278
電郵︰