噚日《亞洲週刊》搞咗個「華人青年企業家大獎」，港麗酒店酒會現場擠滿人，八方見到鳳凰衛視靚女記者吳小莉，雖然挺住八個月大嘅肚皮，仍然明豔照人，難怪朱總都係佢「Fan屎」。
吳小莉向八方透露，腹中BB女預產期係明年1月23號，打算自然分娩。家陣BB女嘅名都未諗好，小莉已經計劃休息過後，三月就復出。做乜嘢咁心急唔唞耐啲？原來重頭戲就係三月初北京召開嘅人大、政協兩會，小莉已經諗定到時要去北京。
講番呢個華人青年企業家大獎，五位得主來自中、港、台、星、馬五地，香港區得主係城市電訊主席王維基。
﹙圖﹚一般大肚媽咪只會計劃產後纖體，吳小莉就已經計劃產後第一時間復出，採訪中國兩會新聞。 韋志滿攝
傳真︰2623-9278
電郵︰