八方都話今年傳媒喜事多，噚日又收到《信報月刊》總編輯文灼非兄嘅請柬，文兄同係中大出版社任編輯嘅黃小華小姐月中拉埋天窗，恭喜恭喜！
原來文兄同黃小姐都係港大畢業生，文兄讀中文系，黃小姐就讀建築，所以喺讀書嘅時候就遇唔上，年幾前由朋友介紹相識師妹，一拍即合，莫非呢啲就係緣份？
再睇清楚張請帖，十二月十五日舉行婚禮，咪剛好撞正反《基本法》二十三條大遊行，文兄笑說「唔怕，唔怕」。註冊早上十時係紅棉道進行，下午三點四十五分係香港遊艇會舉行酒會，相信點塞車都影響唔到。八方已經諗好，遊行下晝三點由維園出發，行完去飲番杯雞尾酒，啱啱好。
﹙圖﹚文灼非同師妹嘅婚禮會喺今個月十五號舉行。
傳真︰2623-9278
電郵︰