容祖兒（Joey）前晚在無綫電視城錄影《勁歌》，她接受訪問時充份發揮搞笑本色，聲稱已就年尾的頒獎禮想出好對策。
Joey說：「我最想攞銷量獎，但係TVB又冇呢個獎，所以我諗到叫藝員蕭亮頒個獎畀我，咁我咪有蕭亮獎，我識蕭亮，我諗佢都會肯嘅。我又想劉青雲頒獎畀我，不過要等佢老婆（郭藹明）唔喺度先得。」
Joey又透露將與馮德倫往泰國拍便服廣告，對於日前許志安被拍得在泰國享受日光浴，問Joey可會擔心被偷影，她說：「我好凹嘅咋，乜嘢凹？肚臍囉！我會小心啲，泰國啲酒店好正，可以喺室外脫清光做按摩，我以前喺馬來西亞同內地都有按摩。」